اغسـل ايـدكـ مـن { رجوعـي } وروح يابـن اللذينـه

ما تغير شي .. لكن .. صـار فاضـي هالمكـان

يعني إنت شفت قلبي .. طحت من عيني وعينـه

[ كان ] لك قلبي " مدينه " ولاحظ إني قلت : كان !

يعني إنت الحين واحد خارج حدود [ المدينه ]

ليه مستغرب كلامي وليـه أعطيـكـ الأمـان

وليه تكذب في كلامك .. العـذر وينـكـ ووينـه

ما ألومكـ كان قلبـكـ ثـارت أمواجـه وخـان

الخطا مني لأني صرت فـي بحـركـ سفينـه

والسؤال اللي كتمته وما ينطـق فيـه اللسـان

كيف إيدك إطعنتنــي وأنا أحسبهـا أمينـه .. ؟

جرحـي ما يرضيه قلبك لو يجـي و كلِّـه حنـان

لو تبوس الجرح فيني ولـو تقبلهـا إيدينـه

يوم أحبك قلت كلمه : ( يكرَم المرء أو يُهان )

وإنت قلبي ما كرمته وما قدرت إنـك تهينـه !

[ عزتي ].. ما هي جديده آنا شامخ من زمان

إغسل إيدك من { رجوعي } وروح يا إبن اللذينه

طاب خاطر قلبي منك وهذي الفرقـى رهـان

وحتى لو قلبي يحبـكـ ربـي بفراقـكـ يعينـه

تدري لما قلت أحبك قلت وما عنـدي ضمـان

وإختياري كان خاطـىء تجربه بالحيـل شينـه

كنت تخطي وكنت أسامح مرَّه مرتين وثمـان

أدمح الزله عشانكـ وأكتـم أنفـاس الغبينـه

كنت أحبكـ وكنت أعزك والغلا فينـي جبـان

خاف تزعل لو ألومكـ ضعت ما بينـك وبينـه

في عيون الناس عادي بس في عيني جنـان

وكان قلبي من يشوفك تفضحه نظـرة {حنينـه}

ماني أول من يحب ومنتَ آخر شخص خـان

المحبه في زمانك [ بحرها ] من غيـر مينـه

[ الفشل ] .. كان النتيجه وأعتقـد آن الأوان

أبني مستقبل حياتي وأنسى قصتنـا الحزينـه

وخطوتي الأولى غيابك وراح أطبقها عشـان

يبكي قلبك لا فقدني والندم .. يملـي سنينـه

جاي تسأل عن مكانك !! هو بقى فيني مكان ؟

الله يرحمها المشاعر اللي كانت لـك رهينـه

قلت لكـ قلبي [ مدينه ] فيها لك حشمه وشـان

لكن إنتَ الحين أغرب شخص في هذي { المدينه } ؟!!

زائر

الخطا مني لأني صرت فـي بحـركـ سفينـه

والسؤال اللي كتمته وما ينطـق فيـه اللسـان

كيف إيدك إطعنتنــي وأنا أحسبهـا أمينـه .. ؟

كلامات تبحر بك بعالم من الدموع والاحزان .

لكن إنتَ الحين أغرب شخص في هذي { المدينه } ؟!!

بعد الحب والامان صار شخص غريب تحياتي خيو مشعــل على الطرح

M2